Астана Триатлон паркінде «Самұрық-Қазына» АҚ компаниялар тобының «Charity Samruk Marathon 2024» қайырымдылық марафоны өтті.

Спортшылар екі қашықтыққа жүгірді: 5 шақырымға (әуесқойлар) және 10 шақырымға (кәсіби жүгірушілер).

Бұдан бөлек, 400 метрге және 1 шақырымға 6 жастан асқан 200-ден астам бала жүгіріп келді.

Қор басшысы старт алдында сап түзеген марафон қатысушыларына сәттілік тілеп, межелеген қашықтықтарды бағындыруға ниет білдірді.

Марафон қатысушыларын қолдау үшін олардың отбасы мүшелері де келді, жалпы спорттық шараға барлығы 2 мыңнан астам адам қатысты.

Марафонға дейінгі бір ай бойы жүгіруге ниет білдірген жандар әр сенбі сайын тәжірибелі жаттықтырушымен дайындалған болатын.

Барлық жиналған қаражат әлеуметтік жобаларды, соның ішінде Астана мектептері мен бақшаларында инклюзивті кабинеттер ұйымдастыруға жұмсалатын болады.