Бүгін «Байқоңыр» ауданындағы «Ұстаздар» аллеясының аумағында «Таза Қазақстан» эко акциясы аясында отбасылық «ТАЗА МАРАФОН» өткізілді.

Шараға барлығы 50-ге жуық адам - 10 отбасы қатысты.
Шара барысында тазалық аясында түрлі эстафеталар ұйымдастырылды.
Марафонға Астана қаласы «Clean city» өкілдері де қатысып, қатысушыларға қоқыстарды өңдеу жөнінде толыққанды ақпарат берді.

Марафон нәтижесінде, барлық қатысушыларға Алғыс хаттар мен сыйлықтар табысталды. Сондай-ақ, үздік орын иегерлері арнайы медальдармен, Алғыс хаттармен және сыйлықтармен марапатталды.

Шараның басты мақсаты - қоғамда тазалықты бірге қалыптастыру, тазалық тәрбиесінің отбасынан басталатынын түсіндіру болып табылады.