Астана қаласында Қазақ күресінен Әлем Чемпионатының финалдық жарыстары өтті. Чемпионатқа әлемнің 40 елінен 167 спортшы қатысты. Олардың арасында атақты балуандар да болды. Қатарында дзюдодан әлем чемпионы Еуропаның 3 дүркін чемпионы грециялық Алексиос Нтанатсидис, джиу-джитсудан әлем чемпионы Бразилиядан келген Ренато Кардозо,күрестен Азия чемпионы Тәжікістандық Хуршед Шарипов,грек-рим күресінің чемпионы Боливиялық Морант бар. Қазақстан атынан 9 балуан өнер көрсетті: Марат Ныгматуллаев, Қуаныш Ысқақов, Қасымхан Төленбай, Ғалымжан Абдрахманов, Адильжан Ыстыбаев, Александр Касачев, Руслан Абдразаков, Ерсұлтан Музафаров және Айбат Сейтен.