Әлемде "Қызғылт қазан" деген атпен белгілі сүт безі обырына қарсы күрес айы аясында Астанада алғаш рет Pink Run жарысы ұйымдастырылды.

Жарысқа 300-ден астам адам қатысты. Сондай-ақ акцияны қазақстандық ауыр атлет, үш түрлі салмақ дәрежесінде төрт дүркін әлем чемпионы Илья Ильин және қазақстандық қара күш иесі, күштік нөмірлер бойынша төрт дүркін әлем рекордшысы, Гиннес кітабының рекордшысы Сергей Цырульников қолдады.

Әуесқой спортшылар жарыс барысында 1,3 және 3,9 км қашықтықты еңсерді. Екі жарыста да мәреге бірінші болып келген адамға 20 000 теңге сомасында ақшалай сертификат табысталды.

Айта кету керек, 40 жастан асқан әйелдер үшін гинеколог пен маммологтың тексеруі тегін.

Жарыс аяқталғаннан кейін қатысушыларға ыстық шай ұсынылды, сонымен қатар демеушілердің сыйлықтарымен ұтыс ойнатылды.

Сонымен қатар іс-шараға қатысушылар "Таза Қазақстан. Астана - тазалық пен тәртіптің үлгісі" экоакциясы аясында жарыстан кейін қоқысты тазартып тастады.