Сенбі күні Президенттік саябақта, Қазақстан Республикасы Тәуелсіздігінің 30 жылдығына орай өткен, «Online-жүгіру» жарысының жеңімпаздары марапатталды.

 

Аталмыш жарыс 11 мен 20 қыркүйек аралығында Триатлон саябағында және Ботаникалық бағында, «STRAVA» мобильдік қосымшасы арқылы өткен болатын.

 

Еске салсақ, «Online-жүгіру» ерлер мен әйелдер арасында 10 км, 5 км, 3 км, 2 км және 1 км қашықтықта он жас тобында өтті. Жарыс таңғы және кешкі жүгіру кестесі бойынша өткізілді.

«Online-жүгіру» жеңімпаздары дипломдармен, медальдармен және бағалы сыйлықтармен марапатталды.

 

Іс-шара санитарлық нормалармен мен қауіпсіздік техникасын сақталуымен өтті.