Нұр-Сұлтанда Сарыарқа ауданы Көктал-2 тұрғын алабында (Баршын-Қайнар көшелерінің қиылысында) салынған жаңа дене шынықтыру-сауықтыру кешеніне балаларды қабылдау басталды.

 

Спорт нысанында балалар мен жасөспірімдер спортпен тегін негізде айналыса алады.

 

№ 7 балалар-жасөспірімдер спорт мектебіне спорттың 8 түрінен балаларды қабылдайды:

 

Самбо- 11-14 жас

Грэплинг- 14-15 жас

Каратэ-до- 7-9 жас

Кикбоксинг- 10-13 жас

Пауэрлифтинг- 15-18 жас

Муай-тай- 8-9 жас

Қазақ күресі- 10-12 жас

Каратэ Киокушинкай-кан -8-9 жас.

 

Жауапты нұсқаушы: Бақытбек Досымжан, тел: 8-775-890-67-25

 

№ 5 олимпиадалық резервтің мамандандырылған балалар-жасөспірімдер спорт мектебі балаларды спорттың 3 түрінен қабылдайды:

 

Гандбол-7-11 жас,

Волейбол - 9-12 жас

Баскетбол-9-12 жас.

 

Жауапты нұсқаушы: Абдрахманов Берік, тел: 8-701-830-85-85

 

Оқытудың бірінші жылының бастапқы даярлық топтарын қалыптастыру осы жылдың 1 желтоқсанына дейін жүргізіледі.

 

Спорт мектебіне мынадай құжаттарды тапсырған жалпы білім беретін мектептердің және басқа да оқу орындарының оқушылары қабылданады:

 

1. Ата-аналар қол қойған өтініш;

2. 037 формасындағы баланың медициналық картасы;

3. Туу туралы куәлік; (көшірмесі).

 

Айта кетейік, жақында ғана пайдалануға берілген спорт кешенінің ауданы 2634 шаршы метрді құрайды, нысан заманауи жабдықтармен жабдықталған және ойын залынан, бірлік залынан, сондай-ақ жаттығу залдарынан тұрады. Дене шынықтыру-сауықтыру кешені №5 олимпиадалық резервтегі мамандандырылған балалар-жасөспірімдер спорт мектебінің балансына берілді.

 

• 
• 
• 
• 
•