Жоба қала тұрғындарын спорттың 11 түріне үйретеді, онда 8 жерде 84 нұсқаушы сабақ өткізеді.

 

Нұр-Сұлтан қаласы әкімдігінің қолдауымен, сол сияқты қалалық дене шынықтыру және спорт басқармасының ұйымдастыруымен барлық сабақ тегін өтеді. Жоба 2021 жылдың желтоқсан айының соңына дейін жалғасады.

 

Сабақтар 6 саябақ пен 2 скверде мынадай спорт түрлері бойынша өткізіледі: жүгіру, каратэ, скандинавиялық жүріс, асық ату, стритбол, бадминтон, фитнес, зумба. Сабақтар апта сайын сейсенбі, бейсенбі, сенбі күндері сағат 17:00-ден 19:00-ге дейін өтеді.

 

«Қолжетімді спорт түрлерінің бірі - асық ату ұлттық ойыны. Оған кез келген жастағы тұрғындар қатыса алады. Бұл ұлттық спорт түрі, оны алты жастан асқандар ойнай алады», - деді Нұр-Сұлтан қаласының «Асық ойыны» федерациясының президенті Ескендір Рахметов.

 

Айта кету керек, жоба Мемлекет басшысының «Халық бірлігі және жүйелі реформалар – ел өркендуінің берік негізі» атты Қазақстан халқына Жолдауының міндеттерін іске асыру аясында әзірленді. Бағдарламалық құжатта Президент дене шынықтыруды дамытуға ерекше назар аударып, бұқаралық және балалар спортымен айналысу үшін барлық жағдайды жасауды тапсырды.

 

Естеріңізге сала кетейік, жобаның салтанатты ашылуы өткен демалыс күндері Астаналық саябақта «World Class Green» фитнес-орталығының фитнес-нұсқаушылары мен «Azimuth» спорт клубы спортшыларының көрсетілімдері өтті. Сонымен қатар, саябаққа келген демалушылар арасында асық ату ойыны бойынша жаттығулар өткізілді.

 

Жоба туралы толық ақпарат алу үшін Instagram әлеуметтік желісіндегі @Dostupnyi_sportkz парақшасына кіруге болады.