27 сәуір күні «Еуразия» спорт кешенінде жыл сайынғы «Қазақстан-Барысы» Республикалық турнирі,Қазақстан Республикасының Президенті Н.Ә. Назарбаев жүлдесіне іріктеу турнирі өтті. Абсолютті салмақ дәрежесіндегі 29 палуан сайысқа түсті. Жарыс қорытындысы бойынша турнир алтыны Бижанов Дарханға, күміс Кентонов Мураттың еншісіне , қола Сейтен Айбатқа бұйырды. Жеңімпаздарды жеңісімен құттықтаймыз және жаңа белестерді бағындыруын тілейміз!
26 сәуір күні «Сарыарқа» велотрегінің конференц-залында «Жол жүру ережелері» тақырыбына арнлаған баспасөз конференциясы өтеді. Қала және қала сыртындағы жолдағы мен тасжолдағы жол жүру ережелері. Брифингтің маңыздылығы велосипедшілер маусымының ашылуымен тығыз байланысты. Конференцияның негізігі мақсаты-жолдағы апатты жағдайлардың алдын алу. Баспасөз конференциясының ұйымдастырушылары Астана қаласы әкімдігінің Дене шынықтыру және спорт басқармасы» ММ және «№ 6 ОРМБЖСМ».
19 сәуір күні «Барыс» спорт кешенінде «№10 балалар мен жасөспірімдердің шайбалы хоккейден мамандандырылған спорт мектебі» КММ жаттықтырушылары өскелең ұрпаққа спортпен шұғылдану арқылы белсенді, салауатты өмір сүруге болатынын көрсету мақсатында шеберлік сабақтарын өткізді. Шеберлік сабақтарын мектеп жаттықтырушылары Коробенко Владимир Иванович, Кирьянов Никита Васильевич, Васин Антон Александрович Белкин Дмитрий Сергеевич және Белкин Александр Сергеевич жүргізді.
18 және 19 сәуір күндері Алау» мұз сарайында шорт-тректен Астана қаласының Ашық Чемпионаты өтіп, оған еліміздің үш аймағы: Астана қаласы, Қостанай және Оңтүстік Қазақстан облыстарынан 127 адам қатысты. Жарыс салауатты өмір салтын дәріптеу, республикалық және халықаралық жарыстарға дайындық, сонымен қатар спорттық дәрежелер мен атақтарға ие болу мақсатында ұйымдастырылды.
18 сәуір күні елордамыздың белді ЖОО студенттерінен құралған баскетбол командалары арасындағы жарыстың ақтық кездесулері Назарбаев Университетінің спорт залында өтті. Үшінші орын үшін Назарбаев университеті мен Қазақ экономика,қаржы және халықаралық сауда университеті бақ сынасты,ал бірінші орын үшін кездесу Қазақ Агротехникалық Университеті мен Еуразия Ұлттық Университеті командалары арасында өтті.
Жеңімпаз командаларды ҚР ҰБФ бас хатшысы Алпамысов Абай Абдисаметович, ҚР ҰБФ Астана филиалының директоры Коптелов Илья Валерианович және Астана қаласы әкімдігінің «Спорттық-бұқаралық іс-шараларды өткізу дирекциясы» КММ басшысының орынбасары Имашев Азамат Болатұлы марапаттады.
16 сәуір күні Астана қаласының № 30 мектеп спорт залында волейболдан әуесқой ардагерлер командалары арасындағы VI Ашық чемпионат өтті. Спорт шарасы ҚР Тәуелсіздігінің 25-жылдығына арналды. Турнирге 99 адам қатысты.
Жарыс нәтижесі
I орын - «Жоғарғы сот» командасы
II орын -«Ардагерлер» командасы
III орын - «Нұр орда барысы» командасы
15 сәуір күні «Алау» мұз сарайында шағын футболдан Халықаралық мамандандырылған «EXPO-2017» көрмесіне арналған жарыс болып өтті. Оған мемлекеттік мекемелер мен департамент қызметкерлері қатысты. Қатысушылардың жалпы саны 200 адам.
Жарыс нәтижесі
8 сәуір күні Халықаралық мамандандырылған «EXPO-2017» көрмесіне арналған мемлекеттік қызметкерлер арасындағы Спартакиада аясындағы бильярд турнирі өтті. Турнирге 14 команда қатысты. Жарыс «Мәскеу комбинациялы пирамидасы» бильярд ойыны түрі бойынша өткізілді.